عدد الرسائل : 56 العمر : 31 المزاج : رايقه رقم العضوية : 15 : SMS : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">$post[field5]</marquee></fieldset></form><!--- MySMS By AlBa7ar Semauae.com --> تاريخ التسجيل : 28/04/2008
موضوع: ايام اول والذكريات...^^ الخميس مايو 08, 2008 11:54 am
السلام عليكم
تذكــــــــــــــــــــــــــــــرون
تذكرون.. يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .
تذكرون.. يوم كنا نصوّر فوري عند مصوّر الجمعية وطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كله شعر.. وبعدين يغسل لك الصورة بالآلة اللي عنده أم ذراع والأطراف مشرشرة ويعطيك الصور بعد أسبوع.
تذكرون.. أول يوم دوام بالمدرسة كانوا يسلمونا الكتب كلهم مع بعض وصافينهم من الكبير إلى الصغير وطبعاً الكبير كتاب العلوم وكانوا يربطونهم بحبل عشان ما يطيحون مع 6 دفاتر مجاناً.
تذكرون.. المعجون الصغير اللي ريحته تعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة لين تطلع بلاعيمك وياها.
تذكرون.. يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت كاكاو ونتم ناكل مثله
ويا البسكوت المالح.
تذكرون.. يوم الجمعة ... نقوم من الصبح على شان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .
تذكرون.. تيلفون بوقرص اللي يتعب صبوعك وانته تتصل ويا ويلك يطلع الرقم مشغول لأنه ما فيه ريدايل.
تذكرون.. يوم كنا نربط الشرشف على رقابنا مثل سوبرمان ونصعد فوق الكبت وانط على الدواشق وآخر شي ناقز غلط ومنكسرة إيدك.
تذكرون.. يوم كنا نحط بالفريزر العصير الطويل بونصين عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.
تذكرون.. يوم كانوا الأولاد يغسلون الحوش بالبروش والصابون قمة الوناسة.. يمسك البروش أونّه بيساعد وآخر شي طايح له سكيتنج على الكاشي والزولية وفي الليل وارمة ريله.
تذكرون.. يوم كنا نستقبل الحجاج من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنود وساعة.
تذكرون.. يوم كنا نشوف مسرحيات الأطفال مثل السندباد والزرزور وألف باء تاء اللي فيها عبدالرحمن العقل ويوم الحرامي يكون وراه.. نصرخ من قمة راسنا: ورااااااك وراااااااك وهو يقول وينه وينه يميييييين يميييييين....
ياعيني على الاستهبال .
تذكرون.. عزايم قبل والسفرة المفروشة على كبر الصالة اللي على صورة ميوه (فواكه) وريحتها لازم مثل ريحة المطبخ وجالسين على الزولية اللي يوم تقوم تلقى ريلك كلها شخوط من الزولية.
تذكرون.. أيام الدراسة قبل يعني يكون بنشد حيلنا بالدراسة ونشتري قلم فسفوري أصفر وإلاّ برتقالي عشان نظلل على الشي المهم وآخر شي مظللين على كل الكتاب.. وين الشي المهم؟؟ ما أدري!!!!
تذكرون.. أول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثوارة .... ولازم طبعاً يمر على الربع في الفريج يصيّح ويلات عليهم....ويعطيه بريك وبترول
تذكرون.. يوم كانت جائزة البيبسي سيارة في غطاة الغرشة كنا الظهر نسير وراء الدكان ونبطل الغراش كلها وبعدين نرد نسكرهم أي كلام تشوف الغازات كلها طايرة ومتبخرة ومستوي البيبسي ماي .
تذكرون.. يوم يقول الأستاذ أو المعلمة ان هذي الصفحات ملغية تعال شوف الشخابيط اللي على الصفحة من فوق لين تحت وإلاّ نطرها من الكتاب.....ليش هالحقد عاد؟
تذكرون.. يوم نتضارب مع ولد اليران وتقول له: خوز عن بيتنا وعن رصيفنا..
يقول لك: مب رصيفكم هذا رصيف الحكومة كلام منطقي, ويتم يحوس جدام البيت ويمر جدام ويقول لك ما جستك ما جستك.
تذكرون.. يوم يسيرون الأولاد السوق ويّا أبوهم يشتري لهم قطع كنادير للعيد ..وآخر شي شاري طاقة كاملة نفس اللون وتشوفهم بأول يوم العيد من الوالد لين الأخو الصغير نفس لون لابسينه كلهم تقول فرقة عيالة.
تذكرون.. يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووب وآخر شي منكسرة ظهورهم.
^^"
lulu .::نائبة المدير::.
عدد الرسائل : 1099 العمر : 31 المزاج : Za3lAna:( رقم العضوية : 4 : SMS : لاتنتـظـرحبيبآباعـك...وانتــظرضــوءآجـديـد...يمكــ ن أن يتسلل ألى قلـبـك الحــزين ...فيعيدلأيامــك البهجة..ويعيدلقلبك
نبضه الجميل
تاريخ التسجيل : 26/04/2008
موضوع: رد: ايام اول والذكريات...^^ الأحد مايو 11, 2008 1:16 am
تذكرون.. يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .
اخوي دووم كان يسويلي ه الحركة .. لووول .. ^^
تسلمين مسوووه ع الموضوووع الحلووو .. ^^
~ princess ~ .::عضو جديد ::.
عدد الرسائل : 39 العمر : 32 رقم العضوية : 31 : SMS : تمر ايـام تبكي عيوني لحالــي .. بعد فراقهـ ليــــالي تاريخ التسجيل : 03/05/2008
موضوع: رد: ايام اول والذكريات...^^ الأربعاء مايو 14, 2008 4:25 am
تذكرون.. يوم كنا نحط بالفريزر العصير الطويل بونصين عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.
ههههههههههههههههههههههههه
هذا اتذكره وما انساه
يسلمووو ع الطرح =)
عشوقي .:: مشرف مجلس التراث الإماراتي ::.
عدد الرسائل : 241 العمر : 35 المزاج : عيني تعورني رقم العضوية : 30 : SMS :
تاريخ التسجيل : 03/05/2008
موضوع: رد: ايام اول والذكريات...^^ الأحد مايو 18, 2008 1:16 pm
ليش حاااااااااااطه رسالتي لج...
والله...تسلمين
قمر الامارات .: المـديـر العام :.
عدد الرسائل : 414 العمر : 29 المزاج : ~Ray8aa رقم العضوية : 1 : SMS :
الاوسمة : تاريخ التسجيل : 24/04/2008
موضوع: رد: ايام اول والذكريات...^^ الأحد مايو 18, 2008 4:57 pm
خخخخ والله ايام حلوه ولا بعد في اشياء لين الحين نسويها
تذكرون.. يوم كنا نستقبل الحجاج من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام مال الهنود وساعة.
خخخخخ اخس شي
تسلمين مسوه ع الموضع الفنتوكي
عدل سابقا من قبل 8mar DxB في الثلاثاء مايو 27, 2008 3:29 pm عدل 1 مرات
عيناوية .::مشرفة مجلس النكت والطرائف ::.
عدد الرسائل : 704 العمر : 29 المزاج : مقهوره رقم العضوية : 8 : SMS :
تاريخ التسجيل : 26/04/2008
موضوع: رد: ايام اول والذكريات...^^ الإثنين مايو 19, 2008 1:01 pm
تذكرون.. يوم كنا نربط الشرشف على رقابنا مثل سوبرمان ونصعد فوق الكبت وانط على الدواشق وآخر شي ناقز غلط ومنكسرة إيدك
يسلمو ع الموضوع بس وايد اشياء لين احين انسويها
Saro0ona .:: مشرفة مجلس الشعر والخواطر::.
عدد الرسائل : 919 العمر : 32 المزاج : ... مـتـضـايـجـهـ ... رقم العضوية : 5 : SMS :
تاريخ التسجيل : 26/04/2008
موضوع: رد: ايام اول والذكريات...^^ السبت مايو 31, 2008 7:52 am
تذكرون.. يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .
ههههههه
تسلمين مسووووه ع الموضوع
والله يعطيج العافيه
"^^
احمد .::عضو جديد ::.
عدد الرسائل : 23 العمر : 35 المزاج : cool : SMS :
تاريخ التسجيل : 30/05/2008
موضوع: رد: ايام اول والذكريات...^^ السبت مايو 31, 2008 10:33 am
الخميس مايو 08, 2008 11:54 am
